|
Pro la tutmonda krizo, ni kune kun la aŭtoroj decidis SENPAGE disponigi ĉiujn elektronikajn librojn.
Tiuj kiuj deziras, povos subteni la aŭtorojn per PayPal aŭ tra UEA (vdvl-d). Ankaŭ aŭtoroj havas elspezojn. Vi ankaŭ povus skribi leteron al la aŭtoroj, tio stimulos ilin verki pliajn librojn. Dankon pro la subteno! |
Multajn dankojn al IE, RBG, NB kaj JPF pro la subteno! |
Jen jam kelkaj adresoj de aŭtoroj:
|
|
|
Titolo: La Mondo Rakontas
Kompilis: Theodor Kilian Adaptis: Jindřiška Drahotová Paĝoj: 43 Formato: A4 - PDF Prezo: SENPAGA! La rakontoj el la legolibreto La Mondo Rakontas (LMR), estas senditaj de diversaj aŭtoroj kaj unuafoje aperis en la jaro 1970. La diversnacieco de la aŭtoroj kaŭzis, ke la formo kaj nivelo de la kontribuaĵoj estas variaj. La indiĝenaj kaj popolaj rakontoj, malgraŭ siaj simpla formo kaj naiva enhavo estas plenaj je ĉarma bonvolo, senkulpa humuro aŭ homa saĝo. La plej facilajn rakontojn la lernantoj povas legi jam post kelkaj lecionoj. Multajn plezuron kaj utilon al vi, la legontoj! |
|
Titolo: Legaĵoj VII
Kompilis: Jindřiška Drahotová Paĝoj: 105 Formato: A4 - PDF Prezo: SENPAGA! Kompilo de 49 plej diverstemaj, interesaj tekstoj por ĉiu kiu deziras legi mallongajn legaĵojn, ekzemple ĉiutage unu tekston. |
|
Titolo: RAKONTOJ DE JUNAJ ESPERANTISTOJ
Kompilis: Jindřiška Drahotová Paĝoj: 52 Formato: A4 - PDF Prezo: SENPAGA! Kolekto de 47 rakontoj el la internacia gazeto JUNA AMIKO, plejparte fabeloj kaj legendoj, ideale por ĉiu kiu deziras legi mallongajn legaĵojn, ekzemple ĉiutage unu tekston. |
|
Titolo: Legaĵoj VI
Kompilis: Jindřiška Drahotová Paĝoj: 101 Formato: A4 - PDF Prezo: SENPAGA! Kompilo de 52 plej diverstemaj, interesaj tekstoj por ĉiu kiu deziras legi mallongajn legaĵojn, ekzemple ĉiutage unu tekston. |
|
Titolo: Nigra birdo kaj aliaj rakontoj
Aŭtoro: Paulo Sérgio Viana Paĝoj: 124 Formato: PDF (<-- elŝutu ĉi tie!) Prezo: SENPAGA! Dorsteksto: Brazila esperantisto, kuracisto, tradukisto kun speciala atento al la verkoj de la brazilano Machado de Assis, verkemulo plurfoje premiita en la Belartaj Konkursoj de UEA, gazeto-artikolisto kaj preleganto, konstanta kontribuanto de Esperanta Retradio, kunfondinto de la Brazila Esperantista Junulara Organizo (BEJO) kaj nuntempa redaktanto de La Lampiro — organo de Esperanto-Asocio de San-Paulo (EASP). Lia <blogdopaulosergioviana.blogspot.com>, el kiu cerpigis plej multaj el la ci-kolektitaj pecoj, atendas vian viziton. |
|
Titolo: Al ĉiu tago ĝia legaĵo
Aŭtoro: Paulo Sérgio Viana Paĝoj: 172 Formato: PDF (<-- elŝutu ĉi tie!) Prezo: SENPAGA! Dorsteksto: Brazila esperantisto, kuracisto, tradukisto kun speciala atento al la verkoj de la brazilano Machado de Assis, verkemulo plurfoje premiita en la Belartaj Konkursoj de UEA, gazeto-artikolisto kaj preleganto, konstanta kontribuanto de Esperanta Retradio, kunfondinto de la Brazila Esperantista Junulara Organizo (BEJO) kaj nuntempa redaktanto de La Lampiro — organo de Esperanto-Asocio de San-Paulo (EASP). Lia <blogdopaulosergioviana.blogspot.com>, el kiu cerpigis plej multaj el la ci-kolektitaj pecoj, atendas vian viziton. |
|
Titolo: Postmortaj rememoroj de Brás Cubras
Aŭtoro: Machado de Assis Tradukis: Paulo Sérgio Viana Paĝoj: 248 Formato: PDF (<-- elŝutu ĉi tie!) Prezo: SENPAGA! Dorsteksto: Postmortaj rememoroj de Brás Cubras (1881) estas konsiderata la unua fantasta romano verkita en la portugala lingvo kaj tial ĝi staras kiel mejloŝtono en la brazila literaturo. La mortinta rakontisto, Brás Cubras, per neordinara vidpunkto liveras al ni raporton pri sia vivo kaj prezentas portreton de la socia medio kaj de la mondo kie li vivis, ĉio per zig-zaga stilo tre konforma al volo de kapricema kaj mokema mortinto sen ajna sindevigo kun la formalaĵoj de la vivo, ĉu tiuj pri sociaj rilatoj, ĉu tiuj pri beletristika verkado. La verko estas ege amuza kaj oni povas legi ĝin kun plezuro laŭ malsamaj manieroj kaj interesoj: jen pro la atentoveka intrigo, ŝerce kaj krude rakontita; jen pro la formo de la rakonto plena je surprizoj kaj teksita laŭ alterna iro-reveno. |
|
Titolo: Esav kaj Jakob
Aŭtoro: Machado de Assis Tradukis: Paulo Sérgio Viana Paĝoj: 272 Formato: PDF (<-- elŝutu ĉi tie!) Prezo: SENPAGA! Dorsteksto: Esav kaj Jakob (1904) estas verko el la matura fazo de Machado de Assis (1839-1908), kiu uzas sian alian mion, la personulon Konsilisto Aires, por dividi kun la legantoj siajn demandojn pri verkado. Ĝi enhavas ĉiujn elementojn, kiuj kondukis lin al la panteono de plej granda brazila aŭtoro: subtileco, ironio, akra psikologio, melankolia skeptikismo, eleganta stilo kaj magia regado de la arto rakonti. Ĝi rakontas pri la historio de du bone naskitaj junuloj, la ĝemeloj Petro kaj Paŭlo, kiuj radikale rivalas inter si, ekde la ventro de la patrino, kaj tamen amas la saman junulinon, sed la belulino ne sukcesas elekti por si unu el ili, ĉar ŝi amas egale ambaŭ. |
|
Titolo: Dom Casmurro
Aŭtoro: Machado de Assis Tradukis: Paulo Sérgio Viana Paĝoj: 260 Formato: PDF (<-- elŝutu ĉi tie!) Prezo: SENPAGA! Dorsteksto: Bentinho kaj Capitu amas sin reciproke ekde junaĝo. Tiel rozkolora komenciĝas la rakonto. Ĉu rozkolora? Iom post iom en la senteman menso de la viro inside enŝoviĝas ĵaluzo kaj suspektemo. Siavice, la ino estas mistere simulema. Escobar, amiko de Bentinho, starigas la trian punkton de la dolora triangulo. Pro ĉi tiu majstra, ŝajne simpla rakonto, Machado de Assis (1839-1908) enplantis en siajn legantojn la senfinan demandon: ĉu Capitu perfidis? Fakte, la skeptika aŭtoro prezentas alian demandon: ĉu eblas sanmense kunvivi kun dubo? |
|
Titolo: Aligoro - la soleca aligatoro
Aŭtoro: J.M. Progiante Paĝoj: 24, tutkolore ilustritaj (notu ke bildoj de la PDF estas malgrandigitaj por kompaktigi la libron) Formato: PDF (<-- elŝutu ĉi tie!) Prezo: SENPAGA! (normale € 4.00) Dorsteksto: En insulo nomata Aimolalomia, naskiĝis Aligoro, iu aligatoro, sed ne ordinara aligatoro. Malsame al ĉiuj siaj fratetoj, li naskiĝis kun vosto pli granda ol normale, kiu poste kreskis, kreskis, iĝis tro granda... Ĉu tio estis bona aŭ malbona por Aligoro? Kiel reagis la loĝantoj de Aimolalomia? |
|
Titolo: Esperiganto
Aŭtoro: Salga Attila Traduko: Jozefo Horvath Paĝoj: 246 Formato: PDF (<-- elŝutu ĉi-tie!) Prezo: SENPAGA! Resumo: La esperiganto estas genia ideanto, organizanto kaj realiganto de gigantaj trompoj, iluziigaj ŝajnigoj kaj entreprenoj konstruitaj en la aero. Agadas en du kontinentoj, en pluraj terenoj. Majstras en ravigo de virinoj. Tamen ne estas simpla trompisto: havas principojn, krimulan moralon, kaj krimas ne sole por la mono, sed ankaŭ por la plezuro kaj intelekta ludo. Amikiĝas kun Göbbels, sed disdegnas ties reĝimon… Pri Salga Attila, vidu la artikolon pri li en vikipedio. Ankaŭ pri la tradukinto, Jozefo Horvath, vi povas legi en vikipedio. |
|
Titolo: Desegni pli facile
Aŭtoro: E.G. Lutz Paĝoj: 110 Formato: PDF (<-- elŝutu ĉi-tie!) (18,91 x 24,59 cm) Prezo: SENPAGA! (normale €5,00) El la antaŭparolo: Tiu ĉi libro estas kombino de du manlibroj pri desegnado de E.G. Lutz, nome What to draw and how to draw it (1913) kaj Drawing made easy (1921), ambaŭ libere disponeblaj en la publika havaĵo. En siaj libroj, Lutz ne tro teorie kaj kun humuro instruas kiamaniere pli facile desegni, analizante la objektojn, komencante ĉiam per tre bazaj linioj aŭ geometriaj figuroj. Krome, li defias la lernantoj ne nur desegni izolitajn figurojn aŭ objektojn, sed ankaŭ regule montras ilin en sceno. La libroj aperis antaŭ pli ol 100 jaroj, en tute alia tempo do, kio speciale videblas en la paĝoj pri desegnado de homoj, ludiloj kaj transportiloj, kiuj impresas tre malnovstilaj. Ĉu pro tio oni forgesu aŭ forĵetu liajn librojn? Laŭ mi, tute ne! Unuflanke ĝi montras la vivon de tiu epoko, komence de la 20-a jarcento, aliflanke, iom lerta desegnisto povas tamen utiligi eĉ la malnovstilajn ekzemplojn. |
|
Titolo: Piaj malprudaĵoj
(kun antaŭparolo de Julian Modest) Aŭtoro: Gérard Lecarpentier Paĝoj: 233 Formato: PDF (<-- elŝutu ĉi tie!) Prezo: SENPAGA! (normale € 6.00) Dorsteksto: Gérard Lecarpentier estas emerita instruisto de la francaj lingvo kaj literaturo kaj la latina lingvo en franca mezgrada lernejo. Li vivas en Normandio kun sia edzino kaj hundo. Dum siaj ĉiutagaj promenoj tra la bela kamparo normanda, li oftege pripensadas tekstojn, rigardante la normandajn bovinojn, eble pli famekonatajn ol la aŭtoro mem kaj kiuj cetere (kutime) ne tre helpas por la verklaboro. Malgraŭ ĉio, jen antaŭ viaj okuloj troviĝas kompilaĵo de liaj plej bonaj novel(et)oj, portretoj, tradukaĵoj, parodioj kaj pliaj diversaĵoj. “La mallongaj tekstoj estas amuzaj, tamen ili ne nur ridigas la legantojn, sed igas ilin mediti pri la eternaj problemoj de la vivo.” (Julian Modest) |
|
* Infanlibro de la jaro 2018 *
en Belartaj Konkursoj de UEA. 
|
Titolo: La malbeno de Tarumo kaj Nurana
Aŭtoro: J.M. Progiante Paĝoj: 76, tutkolore ilustritaj (notu ke bildoj de la PDF estas malgrandigitaj por kompaktigi la libron) Formato: PDF (<-- elŝutu ĉi tie!) Prezo: SENPAGA! (normale € 6.00) ISBN: 9780244868505 Enhavo:
Kvin infanoj el malsamaj kontinentoj renkontiĝas en Brazilo okaze de kongreso de la internacia lingvo. Ili pretervole implikiĝas en aventuron kiu komenciĝis antaŭ jarcentoj, kiam du totemoj estis ŝtelitaj el indiĝena tribo kaj el tio naskiĝis terura malbeno. |
|
Titolo: Blua sonĝo en Antverpeno
Aŭtoro: J.M. Progiante Paĝoj: 60, tutkolore ilustritaj (notu ke bildoj de la PDF estas malgrandigitaj por kompaktigi la libron) Formato: PDF (<-- elŝutu ĉi tie!) Prezo: SENPAGA! (normale € 6.00) ISBN: 9780244269197 Enhavo: Post la aventuro en Brazilo, kiam ili devis solvi la enigmon de "La malbeno de Tarumo kaj Nurana", Andrea, Hua, Mavomo, Roza kaj Eriko renkontiĝas denove por klarigi novan misteron, nun en Antverpeno, Belgio. Du aliaj personoj kuniĝas kun ili: la knabino Klara kaj la juna diplomato Lufimpu. En streĉa tago, ili havas malmultajn horojn por forkuri de danĝera bandito, liberigi senkulpan viron kaj ankoraŭ evitigi tragedion en hotelo, kie okazas grava kunsido de UN. Por tio, ili bezonas deĉifri mesaĝon pri la Blua Sonĝo. |
|
Titolo: La vizito de la sinjorinoj de la bonkoreco
Aŭtoro: Alfons Olterdissen Tradukis: Ivo Miesen Paĝoj: 21 Formato: PDF kaj ePub (<-- elŝutu ĉi tie!) Prezo: SENPAGA Dorsteksto: "La vizito de la sinjorinoj de la bonkoreco" estas socikritika novelo de Alfons Olterdissen, originale verkita en la Mastriĥta dialekto kaj aperis en 1926. Kiam Olterdissen verkis siajn noveletojn - li verkis amason da, Mastriĥto estis industria urbo, ĵus foriganta sian garnizonan pasintecon. En la urbocentro estis amasstokejo de laboristoj kaj multe da eĉ pli malriĉaj stratetoj kun la plej malriĉaj loĝantoj. En unu el tiaj stratetoj okazas tiu ĉi noveleto. |
|
Titolo: Blisa Skribo - kurso kun vortaro Aŭtoro: Lode Van de Velde Paĝoj: 52 Formato: PDF Prezo: SENPAGA (normale € 4.00) ISBN: 9781326877774 Kurso pri la blisa skribo kun vortaro. La blisa skribo (vidu Vikipedion) estas uzata kiel helpskribo por kompuniki kun homoj kiuj pro handikapo ne povas uzi la kutimajn lingvojn. La kurso klarigas la strukturon de la blisa skribo kaj kiamaniere fari la simbolojn. La dua parto de la libro estas la vortaro. |
|
Titolo: 8 antverpenaj legendoj... kaj 2 pri la brusela 'Manneken Pis'
Tradukis: Lode Van de Velde Paĝoj: 38, kun koloraj bildoj Formato: PDF Prezo: SENPAGA (normale 3 eŭroj) ISBN: 978-0-244-27273-9 Dorsteksto Antverpeno (Belgio) estas ege malnova urbo, kiu unuafoje aperis en la kronikoj de la jaro 684, sub la nomo 'Antverpia'. Neeviteble do tiu ĉi malnova urbo naskis multajn popolajn legendojn. En tiu ĉi libreto ni kompilis la plej konatajn legendojn el la urbo. Por la ŝatantoj de legendoj, ni aldonis fine de tiu ĉi libreto ankoraŭ du aliajn legendojn el Belgio, nome pri la mondvaste konata statueto de 'Manneken Pis'. Bonan legadon! |
|
Titolo: Malrapida kaj rapida - Scienc-fikcia-religia monologo - Serio Megalomaniuloj kaj gigantofoboj, volumo 29. Aŭtoro: Andy S. Falkner Paĝoj: 16 Prezo: SENPAGA Formato: ePub kaj PDF. Resumo: Iu rigardas nin. Li scias ĉion pri ni. Sed ni scias nenion pri li, ĉar li reagas tiel malrapide, ke ni ne perceptas lin. Sed eble iun tagon li en sia kolero elpensas ion, por ke ni fine atentu lin. |
|
Titolo: Aspiroj
Aŭtoro: Lode Van de Velde Paĝoj: 241 Formato: PDF kaj ePUB ankaŭ havebla kiel papera libro Prezo: SENPAGA (normale € 7.00) ISBN: 9780244264208 Enhavo: Okazas murdo. Cirklaj ondetoj ekmoviĝas surface en ĉiujn direktojn, influante la ĉirkaŭaĵon. Neniu restas netuŝita de la okazintaĵo. Jen kroniko de neanoncita murdo. "Aspiroj” ne estas klasika detektiva romano en kiu oni serĉas la kulpinton, sed psikologia mozaik-romano kiu ekzamenas la influon je la ĉirkaŭĵo. Atentema leganto tamen trovos la solvon. |
|
Titolo: Ne forgesu mian voĉon! (2 noveloj)
Aŭtoro: Julian Modest Paĝoj: 104 Formato: PDF kaj ePUB, kaj ankaŭ kiel papera libro Prezo: SENPAGA (normale € 4.00) ISBN: 9780244561819 En la novelo “Ne forgesu mian voĉon” estas amo, sekretoj, mistero. La pentristo Veselin kaj la ĵurnalistino Milena renkontiĝas, konatiĝas, ekamas unu la alian, sed ilia amo ne daŭras longe. Subite Milena malaperas; iu verŝajne murdis ŝin. Veselin vane serĉas ŝin. Restas nur la rememoroj pri Milena kaj la sola deziro de Veselin neniam forgesi ŝian voĉon. En “Aŭtuna ferio” la ĉefheroo Martin estas talenta verkisto. Por finverki sian novan romanon li iras en belan maran ripozejon, luas hotelan ĉambron, esperante, ke en silento kaj trankvilo li daŭrigos la verkadon. Tamen tie li renkontas allogan enigman junulinon kaj okazas kelkaj strangaj eventoj. La du noveloj ravas per streĉaj intrigoj kaj modela Esperanta stilo. |
|
Titolo: Mallumo kaj lumo - Scienc-fikcia-religia monologo - Serio Megalomaniuloj kaj gigantofoboj, volumo 26 Aŭtoro: Andy S. Falkner Formato: ePub kaj PDF. Prezo: SENPAGA Resumo: Ĉu enuige estas, kiam nenio troviĝas ĉirkaŭ si? Ne se oni havas senliman informopretigan kapablon kaj eblas elpensi ĉiajn eblajn aĵojn: korpojn, efikojn, matematikon – tute ĝis la ekvacioj de Maxwell. Precipe se oni ne estas unu, sed ope. La kunaranĝo estas surpriza antaŭo de... do divenu, de kio? |
|
Titolo: Ne serĉu la murdiston! (krimromano)
Aŭtoro: Julian Modest Paĝoj: 98 Formato: PDF kaj EPUB, ankaŭ havebla kiel papera libro. Prezo: SENPAGA (normale € 4.00) ISBN: 9780244539726 Resumo: Inspektoro Kalojan Safirov, kiun ni konas de la aliaj libroj de Julian Modest spertos grandan dilemon kiam li esploras novan murdon... “Ne serĉu la murdiston” estas krimromano en kiu Julian Modest beletre montras socion en kiu regas korupto, malĉasteco, hipokriteco kaj avido. Socio, en kiu la mono estas gvidforto kaj la potenco solvas eĉ la plej komplikajn kaj malhonestajn problemojn. La verkisto starigas gravajn demandojn: kia devas esti la moralo de homoj, kiuj havas potencon, de homoj, kiuj devas sekvi la postulojn de la leĝoj kaj kies ofico estas servi al la justeco? La romano allogas per sia streĉa enhavo kaj flua lingvaĵo. |
|
Titolo: Ĉasisto de sonĝoj
Aŭtoro: Julian Modest Paĝoj: 108 Formato: PDF kaj EPUB, ankaŭ havebla kiel papera libro. Prezo: SENPAGA (normale € 4.00) ISBN: 9780244201197 Ĉasisto de sonĝoj estas kolekto de 26 novaj rakontoj, enkondukitaj de eseeto pri rakontoj fare de la aŭtoro. Per la rakontoj ni ordigas nian vivon. Ili estas fragmentoj el niaj travivaĵoj, sonĝoj, fantazioj kaj imagoj, kiujn ni lumigas per la lumo de niaj meditoj kaj emocioj. Ni ŝatas rakonti, aŭskulti aŭ legi rakontojn. Kiam ni rakontas, ni ludas per la lingvo, per la pensoj, per la emocioj. La mondo de la rakontoj estas alloga kaj reva. Dank’ al la rakontoj nia vivo iĝas pli mirinda, pli bela. |
|
Titolo: Kunpatroj kaj kunpatrinoj
Aŭtoro: Ademir Barbosa Júnior Paĝoj: 80 Formato: PDF kaj EPUB (ankaŭ havebla kiel presita libro). Prezo: SENPAGA (normale € 3.00) ISBN: 9780244182908 Tiu ĉi libro enhavas 7 rakontojn de Umbando, religio, naskiĝinta en Brazilo kiel rezulto de miksiĝo de indianaj, afrikaj kaj eŭropaj kredoj. La religio ne estas tre konata ĉar persekutata de brazilaj registaroj kaj suferanta multajn antaŭjuĝojn fare de alireligiaj homoj. “Mi sidiĝis sur ŝtono kaj tre bone vestita ĝentlemano venis antaŭ mi. Li al mi diris ke mi ne povos por ĉiam teni tiun ĉi vivon, kaj ke li donos oportunon al mi kaj al miaj kunuloj. Li al ni promesis ke ne plu ni sentos dolorojn, nek plu aspektus kiel brulvunditoj, kaj ke ni lernos denove vivi, en mondo serĉanta organizi sin kun pli da amo kaj kompreno, malgraŭ perforto kaj malbono. Mi ne bone sciis kial, sed li montriĝis al mi fidinda. Li diris ke sia nomo estas "Noktomezo" kaj ke li laboras por homo nomita Ŝangoo, respondeculo pri la fajro. Tion mi tiam komprenis." |
|
Titolo: Amo kaj malamo
Aŭtoro: Julian Modest Ĝenro: Krimromano Paĝoj: 112 Formato: EPUB kaj PDF ankaŭ havebla kiel papera libro. Prezo: SENPAGA (normale € 4.00) ISBN: 9780244167202 Resumo: KIU ESTAS LA MURDISTO? Plamen Filov estas riĉulo, kies familio loĝas en “Lazuro”, la plej eleganta kvartalo de la konata mara urbo Burgo. Okaze de sia kvardekjariĝo li organizas grandan feston, invitante multajn gastojn. Meznokte, kiam la gastoj foriras, Plamen Filov trovas en la korto de la domo anoniman minacan leteron. Post semajno iu murdas lin. Komisaro Kalojan Safirov, kiun la legantoj jam bone konas el la romano “Serenaj matenoj” de Julian Modest, komencas esplori kaj serĉi la murdiston. La demandoj estas pluraj: kiu kaj kial murdis Plamen Filov? “Amo kaj malamo” estas alloga legaĵo por ĉiuj, kiuj deziras pasigi agrablajn horojn, ĝuante la bonegan Esperantan stilon de Julian Modest kaj perfektigi siajn lingvokonojn. |
|
Titolo: La fero, la neĝo kaj la sango Aŭtoro: Laurent Kloetzer Tradukinto: Laurent Burgbacher Formato: ePub Prezo: SENPAGA Resumo: Kendal la Harmoreano, la barbara reĝo de Dol, rajdas sole en la blanka kamparo, perdita en pensoj pri sia vivo. Samtempe, ok rajdantoj rapide alproksimiĝas. Baldaŭ okazos grandioza batalo sub dikfloka neĝofalo. Tiu ĉi novelo okazas en la mondo de „La vundita Reĝlando“ (Le Royaume blessé, en la franca), granda epopea rakonto de „nebuloj kaj barbaroj“. |
|
Titolo: Princino laŭdata - Feotnai Mapules Aŭtoro: Yohanes Manhitu Paĝoj: 250 Formato: ePub, ankaŭ havebla kiel papera libro. Prezo: SENPAGA (normale € 5.00) ISBN: 9780244727932 Dulingva poemaro en la davana lingvo (parolata en Okcidenta Timoro, Indonezio) kaj esperanto. Inter la poemoj estas profundaj amaj poemoj kaj multaj poemoj pri la vivo en Indonezio. Pluraj poemoj jam aperis en Beletra Almanako kaj aliloke. |
|
Titolo: Serenaj matenoj
Aŭtoro: Julian Modest Ĝenro: Krimromano Paĝoj: 96 Formato: PDF kaj EPUB, ankaŭ havebla kiel papera libro. Prezo: SENPAGA (normale € 4.00) ISBN: 9780244115654 Resumo: En suna aprila tago en mara urbo subite malaperas Klara, bela, talenta knabino, lernantino en la lasta gimnazia klaso. Ĉu oni forkaptis ŝin por ĉantaĝi ŝiajn gepatrojn pri mono, ĉu por prostitui ŝin eksterlande aŭ ĉu iu murdis ŝin? Al tiuj ĉi demandoj devas respondi la polica komisaro Kalojan Safirov. La romano, kies stilo kaj lingvaĵo estas klaraj, taŭgas por ĉiuj esperantistoj kiuj volas ekzerci la lingvon. |
|
Titolo: La vegetara leono
Aŭtoro: Lode Van de Velde Desegnoj: Alice Germain Ĝenro: Por infanoj (3 ĝis 14 jaroj) Paĝoj: 48 Formato: PDF (malgrandigita) Prezo: SENPAGA (normale € 4.25) ISBN: 978-0-244-71060-6 |
Priskribo:
"La vegetara leono" estas facila, ilustrita rakonto por infanoj en larĝformata libro.
Post la rakonto venas mallonga raporto pri vere ekzistinta vegetara leono.
Fine, la libro enhavas ankaŭ 20 paĝojn kun receptoj, allogaj por fari kune kun infanoj.
"La vegetara leono" estas facila, ilustrita rakonto por infanoj en larĝformata libro.
Post la rakonto venas mallonga raporto pri vere ekzistinta vegetara leono.
Fine, la libro enhavas ankaŭ 20 paĝojn kun receptoj, allogaj por fari kune kun infanoj.
Titolo: Fotografia terminaro
Aŭtoro: Lode Van de Velde
Paĝoj: 53
Dosierspecoj: EPUB kaj PDF (alklaku por elŝuti)
Prezo: SENPAGA
ISBN: 9780244677817
Tiu ĉi fotografia terminaro enhavas pli ol 400 terminojn pri cifereca kaj analoga fotografio, inkluzive terminojn por la plej novaj inventoj.
Aŭtoro: Lode Van de Velde
Paĝoj: 53
Dosierspecoj: EPUB kaj PDF (alklaku por elŝuti)
Prezo: SENPAGA
ISBN: 9780244677817
Tiu ĉi fotografia terminaro enhavas pli ol 400 terminojn pri cifereca kaj analoga fotografio, inkluzive terminojn por la plej novaj inventoj.
Titolo: Murdo en la parko
Aŭtoro: Julian Modest
Ĝenro: Krimnovelo
Paĝoj: 78
Dosierspecoj: EPUB kaj PDF, ankaŭ havebla kiel papera libro.
Prezo: SENPAGA (normale € 4.00)
ISBN: 9780244965556
Resumo:
"En pluva vespero en parko, proksime al sia hejmo, estas mortpafita la juna ĵurnalistino Maria Kirilova. La murdo, tute nekomprenebla kaj mistera, vekas plurajn demandojn. La ĵurnalistino ne havis malamikojn. ..."
Aŭtoro: Julian Modest
Ĝenro: Krimnovelo
Paĝoj: 78
Dosierspecoj: EPUB kaj PDF, ankaŭ havebla kiel papera libro.
Prezo: SENPAGA (normale € 4.00)
ISBN: 9780244965556
Resumo:
"En pluva vespero en parko, proksime al sia hejmo, estas mortpafita la juna ĵurnalistino Maria Kirilova. La murdo, tute nekomprenebla kaj mistera, vekas plurajn demandojn. La ĵurnalistino ne havis malamikojn. ..."
|
Titolo: Kiel kaj kial manĝi vegane Aŭtoro: Lode Van de Velde Dosierspeco: PDF (alklaku por elŝuti) Paĝoj: 40 (laŭ formato A5) Prezo: SENPAGA Tiu ĉi libreto klarigas kial veganismo estas grava kaj donas kelkajn konsilojn por la preparado de manĝoj. (Atentu, ne estas receptolibreto.) |
|
Titolo: Manĝeblaj sovaĝaj plantoj
Aŭtoro: Lode Van de Velde Dosierspeco: PDF Paĝoj: 52 (laŭ formato A5) Prezo: SENPAGA (normale € 4.99) La libro ricevis Premion Pirlot 2018 por scienca verko (3a loko). Tiu ĉi plenkolore ilustrita libreto prezentas 20 oftajn manĝeblajn, sovaĝajn plantojn, kun la nomo en esperanto kaj la latina, franca, germana kaj nederlanda lingvoj. Kun ĉiu planto venas jenaj klarigoj: kelkaj ĝeneralaj sciindaĵoj; la nomo en 6 lingvoj; kiuj partoj estas manĝeblaj (manĝindaj); konsiloj pri farado de teo per la plantoj; eventuala kuraca efiko; eventualaj avertoj pri la uzo de la planto. |
|
Titolo: Epizodoj Aŭtoro: Lode Van de Velde Dosierspeco: PDF Paĝoj: 58 (laŭ formato A5) Prezo: SENPAGA (normale € 2.99) Recenzo: Aperis ĉe Literatura Foiro. Esperantolingvaj poemoj pri la vivo, amo, emocioj, ideoj, pensoj, ... |
|
Titolo: Nigra-blanko Aŭtoro: Lode Van de Velde Dosierspeco: PDF Paĝoj: 40 (laŭ formato A5) Prezo: SENPAGA (normale € 4.99) Nigra-blanka art-fotografio. Vidu ekzemplajn fotojn en la retpaĝo de la aŭtoro: http://lode.weebly.com/esperanto.html. |
Nacilingva libro:
|
Titel: Trollen op de Groene Heuvels
Auteur: Lode Van de Velde Dosierspeco: PDF Pagina's: 110 (laŭ formato A5) Prijs: GRATIS (normaal € 4.00) ISBN: 9789402142617 Daan is een gewone jongen van 13. Op een dag wordt hij in het bos aangesproken door enkele wezens die hij niet kan zien. Hij denkt aanvankelijk dat het een grap is, tot de twee nimfen zich kort zichtbaar maken. Ze roepen de hulp van Daan in om het "Groot Boek van de Natuur" terug te halen, dat door trollen gestolen werd. Het Boek is van groot belang, aangezien er de spreuken en recepten in staan die nodig zijn om dieren uit hun winterslaap te halen in de lente, bloemen te doen bloeien enzovoort. Dit is het begin van een heus avontuur, waarin Daan op zoek gaat naar het boek en strijd moet leveren tegen de trollen. |
